سینٹ الیکشن ،سر اج الحق سے بلاول،رضاربانی،غفور حیدری کا ٹیلی فو نک رابطہ

 (24 نیوز)پاکستان پیپلز پارٹی کے چیئرمین بلاول بھٹو زرداری نے امیر جماعت اسلامی سے ٹیلی فونک رابطہ کرکے ان سے چیئرمین سینیٹ کے الیکشن کیلئے تعاون مانگا ہے۔
تفصیلات کے مطا بق ذرائع کا کہنا ہے کہ دونوں رہنمائوں نے دوران گفتگو موجودہ سیاسی صورتحال پر تبادلہ خیال بھی کیا۔ امیر جماعت اسلامی نے بلاول بھٹو کو جواب دیا کہ وہ پارٹی رہنمائوں سے مشاورت کے بعد ہی کوئی فیصلہ کریں گے۔
ترجمان جماعت اسلامی کے مطابق سابق چیئرمین سینیٹ رضا ربانی نے بھی سراج الحق سے رابطہ کرکے ووٹ کی درخواست کی ہے۔
اس کے علاوہ پی ڈی ایم کی جانب سے ڈپٹی چیئرمین سینیٹ کے مشترکہ امیدوار مولانا عبدالغفور حیدری نے بھی سراج الحق سے ملاقات کرکے ان سے ووٹ کی درخواست کی۔