ہمارا ہوم ورک مکمل،جیت کو شکست میں بدلاتوسب سامنے لائینگے، زرداری،فضل الرحمان

(24 نیوز)سابق صدر آصف زرداری اور سربراہ پی ڈی ایم مولانا فضل الرحمن کے درمیان ٹیلی فونک رابطہ ہوا،دونوں رہنماﺅں نے پی ڈی ایم امیدواروں کی کامیابی کو یقینی بنانے کی کوششوں پر تبادلہ خیال کیا۔
سابق صدرآصف زرداری نے کہاکہ پی ڈی ایم کو سینیٹ میں حکومت پر واضح برتری حاصل ہے،کل یوسف رضاگیلانی اور غفورحیدری کی کامیابی کیلئے پر امید ہیں،ہماراہوم ورک مکمل ہے تمام ارکان نے حمایت کا یقین دلایا ہے۔
پی ڈی ایم سربراہ مولانا فضل الرحمان نے کہاکہ حکومت نے ہارس ٹریڈنگ کی ارکان کو توڑا تو سب عوام کے سامنے لائیں گے،مولانا فضل الرحمان کا کہناہے کہ ہمارے ارکان پر سنجرانی کوووٹ دینے کیلئے دباﺅ ڈالاجارہاہے،ہماری جیت کوشکست میں بدلاگیاتو سب کچھ سامنے لائیں گے ۔دونوں رہنماﺅں نے اتفاق کیا کہ حکومت صرف ہارس ٹریڈنگ کرکے ہی جیت سکتی ہے ۔