مرزا آفریدی ن لیگ کی پارلیمانی پارٹی کا حصہ ہیں، رانا ثنا نے ڈپٹی چیئرمین سینیٹ پر بڑا اعتراض اٹھادیا

(24 نیوز)مسلم لیگ ن کے رہنما رانا ثنااللہ نے حکومت کے نامزد کردہ ڈپٹی چیئرمین سینیٹ مرزاآفریدی پر بڑا اعتراض اٹھادیا ۔
رانا ثنا اللہ نے کہاکہ مرزاآفریدی مسلم لیگ ن کی پارلیمانی پارٹی کا حصہ ہیں، مرزا آفریدی سینیٹرمنتخب ہونے کے بعدن لیگ میں شامل ہوئے،لیگی رہنما کاکہناہے کہ مرزا آفریدی نے مسلم لیگ ن میں شمولیت کا ڈیکلیئریشن بھی جمع کرایا، مرزا آفریدی کو پی ٹی آئی نے کیسے امیدوار نامزد کردیا۔
رانا ثنا اللہ نے کہاکہ مرزاآفریدی کے خلا ف ریفرنس دائر کرسکتے ہیں،ان کی کی اپنی سینیٹ کی رکنیت بھی ختم ہوسکتی ہے،انہوں نے کہاکہ قومی اسمبلی کے ریکارڈ میں اس سوال کا جواب موجو د ہے،پریزائیڈنگ آفیسر کل قومی اسمبلی یا سینیٹ سے اس کا ریکارڈ منگواسکتے ہیں مرزاآفریدی پارلیمانی پارٹی کے بغیر کس طرح الیکشن لڑسکتے ہیں۔