قدرتی گیس دھماکے سے 2 افراد جاں بحق ، 5 زخمی

(24 نیوز)نیو کراچی میں نالے میں قدرتی گیس کے دھماکے کے نتیجے میں 2 افراد جاں بحق جب کہ 5 زخمی ہو گئے ہیں۔زخمیوں کو فو ری طو ر پر قریبی ہسپتا ل منتقل کر دیا گیا ہے۔
تفصیلات کے مطا بق خمیسو گوٹھ میں بشیر چوک پر دھماکہ کی ابتدائی رپورٹ میں پولیس حکا م کا کہنا ہے کہ دھماکا سلنڈر پھٹنے سے ہوا تاہم جائے وقوعہ کے معائنے کے دوران پتہ چلا کہ نالے میں قدرتی گیس بھر جانے کی وجہ سے دھماکا ہوا جس کی آواز دور دور تک سنی گئی۔دھماکے کے بعد علاقے کی بجلی منقطع ہو گئی جس بنا پر امدادی کام میں شدید دشواری پیش آئی۔ لوگوں کی املاک کو بھی نقصان پہنچا ہے۔