پولیس عمران گرتی ہوئی حکومت کا آلہ کار بننے سے پرہیز کرے۔مریم نواز

 (24 نیوز) مسلم لیگ (ن) کی نائب صدر مریم نواز نے پولیس کی جانب سے پارلیمنٹ لاجز میں جے یوآئی کے کارکنو کی گرفتاری اور ہاتھا پائی پرکہا ہے کہ اسلام آباد پولیس کو عمران خان اور اس کی تیزی سے گرتی ہوئی حکومت کا آلہ کار بننے سے پرہیز کرنا چاہئے۔ ٹوئٹر پر اپنے بیان میں مریم نوازنے کہا کہ اس قسم کی پاگل پن پر مبنی کارروائیوں کا الزام اپنے سر لینا مناسب نہیں،نقصان اٹھانا پڑے گا۔

اسلام آباد پولیس کو عمران خان اور اسکی تیزی سے گرتی ہوئی حکومت کا آلہ کار بننے سے پرہیز کرنا چاہیے۔ اس قسم کی پاگل پن پر مبنی کاروائیوں کا الزام اپنے سر لینا مناسب نہیں۔ نقصان اٹھانا پڑے گا۔

— Maryam Nawaz Sharif (@MaryamNSharif) March 10, 2022

قبل ازیں ایک اور ٹویٹ میں مریم نواز نے کہاہے کہ عمران خان آنکھیں کھول کے دیکھیں ان کی جماعت کے بخیے ادھڑ رہے ہیں۔ غصہ، اشتعال، دھمکیاں، گالیاں، زبان درازی، گھبرا گئے ہونا، آپ نے پاکستان کو تباہی و بربادی کے گڑھے میں پھینک دیا ہے، اور آج چاروں طرف غربت، مہنگائی، بےروزگاری، بدامنی اور دہشتگردی کا راج ہے، قوم عمران خان کی نااہلیت، جہالت اور کھلنڈرے پن کی بہت قیمت ادا کرچکی ہے، اب مزید کی کوئی گنجائش نہیں۔

آنکھیں کھول کے دیکھو!تمھاری جماعت کے بخیے ادھڑ رہے ہیں اور اس کی ذمہ دار نا اپوزیشن ہے اور نا کوئی ملکی یا غیر ملکی سازش۔اس کے ذمہ دار آپ خود ہیں،آپ کی گندی زبان ہے،آپ کا تکبر اور غرور ہے اور اپنے ممبران کو احترام نا دینا ہے۔اب بہت دیر ہو چکی۔آپ کی خالی دھمکیاں اب کسی کام کی نہیں

— Maryam Nawaz Sharif (@MaryamNSharif) March 10, 2022

مریم نواز کا کہنا تھا کہ عمران خان اپنی ناکامیوں کا الزام نہ اپوزیشن کو دیں اور نہ ہی دوسرے ممالک کو، آپ سازش کا واویلا مچا کر قوم کو بے وقوف نہیں بنا سکتے۔ جس شخص کو نہ تاریخ کا علم ہو نہ جغرافیہ کا، جسے نہ خارجہ پالیسی کا پتہ ہو نہ سفارتی تعلقات کا، جسے نہ حکومت چلانا آیا ہو نہ عوام کے مسائل حل کرنا، وہ وہی کچھ کرسکتا تھا جو عمران خان نے پونے 4 سال میں کیا۔

وہ وہی کچھ کرسکتا تھا جو تم نے پونے چار سالوں میں کیا۔ تمہارا کارنامہ یہ ہے کہ تم نے پاکستان کو اندرونی طور پہ تباہ و برباد اور بیرونی طور پہ تنہا کر دیا ہے۔ دنیا میں ہمارے دشمنوں کے لیےتم سے بہتر کون ہوگا۔
اپنا انجام دیکھ کر گھبراؤ نہیں - ڈرامہ بازی بند کرو۔
یہ دن تو آنا ہی تھا۔

— Maryam Nawaz Sharif (@MaryamNSharif) March 10, 2022

لیگی رہنما نے کہا کہ عمران خان کا کارنامہ یہ ہے کہ انہوں نے پاکستان کو اندرونی طور پہ تباہ و برباد اور بیرونی طور پہ تنہا کر دیا ہے، دنیا میں ہمارے دشمنوں کے لئے ان سے بہتر کون ہوگا، عمران خان اپنا انجام دیکھ کر گھبرائیں نہیں اور ڈرامے بازی بند کریں، یہ دن تو آنا ہی تھا۔ حالات کے ذمہ دار آپ خود ہیں، آپ کی زبان، آپ کا تکبر اور غرور ہے اور اپنے ممبران کو احترام نہ دینا ہے، اب بہت دیر ہو چکی، آپ کی خالی دھمکیاں اب کسی کام کی نہیں۔ 

اپنی ناکامیوں کا الزام نہ اپوزیشن کو دو نہ دوسرے ممالک کو۔ سازش کا واویلا کر کےتم قوم کو بےوقوف نہیں بنا سکتے۔ جس شخص کو نہ تاریخ کا علم ہو نہ جغرافیہ کا، جسے نہ خارجہ پالیسی کا اتہ پتہ ہو نہ سفارتی تعلقات کا، جسے نہ حکومت چلانا آیا ہو نہ عوام کے مسائل حل کرنا ——

— Maryam Nawaz Sharif (@MaryamNSharif) March 10, 2022

غصہ، اشتعال، دھمکیاں، گالیاں، زبان درازی __ گھبرا گئے ہونا !
تم نے پاکستان کو تباہی و بربادی کے گڑھے میں پھینک دیا۔آج چاروں طرف غربت، مہنگائی، بےروزگاری، بدامنی اور دہشتگردی کا راج ہے۔قوم تمہاری نااہلیت، جہالت اور کھلنڈرےپن کی بہت قیمت ادا کرچکی ہے۔ مزید کی کوئی گنجائش نہیں۔

— Maryam Nawaz Sharif (@MaryamNSharif) March 10, 2022

 یہ بھی پڑھیں۔جے یو آئی ارکان کی گرفتاری ،فضل الرحما ن کا ملک بھر میں سڑکیں بند کرنے کا حکم