(ویب ڈیسک)بھارتی فلم انڈسٹری بالی ووڈ کے اداکار اکشے کمار کا کہنا ہے کہ وہ اب پیسے کے لئے نہیں بلکہ جنون کے لئے کام کرتے ہیں۔
بھارتی ذرائع ابلاغ کے مطابق اکشے کمار کا شمار بالی ووڈ کے ان اداکاروں میں ہوتا ہے جو ہر سال اپنی کئی فلموں کو لے کر سرگرم رہتے ہیں۔ اکشے کمار نے مزید فلمیں کرنے کا خلاصہ کرتے ہوئے کہا ہے کہ بہت کما لیا اور وہ اب پیسے کے لئے نہیں بلکہ جنون کے لیے فلمیں کرتے ہیں۔ انہوں نے کہا کہ اگر آپ روزانہ کام کرتے رہیں گے تو آسانی سے آپ کے پاس بہت سی فلمیں پائپ لائن میں ہوتی ہیں، میں آج پیسے کے لئے نہیں بلکہ جنون کے لئے کام کر رہا ہوں جس دن میں بے لطف ہوجاؤں گا، اس دن میں کام کرنا بند کردوں گا۔
یہاں یہ امر قابل ذکر ہے کہ اداکار اکشے کمار ان دنوں اپنی آنے والی فلم’ بچن پانڈے‘ کے حوالے سے خبروں میں ہیں۔ 18 مارچ کو سینما گھروں میں ریلیز ہونیوالی فلم ’ بچن پانڈے‘میں اکشے کمار کے علاوہ کریتی سینن، ارشد وارثی اور جیکلین فرنینڈس شامل ہیں۔
یہ بھی پڑھیں: کورونا کیسز میں اضافہ، چین میں لاک ڈاؤن نافذ