کوڑے دان بیگ کا پہناوا، لڑکی کی فیشن شو میں شرکت، دلچسپ ویڈیو وائرل

(ویب ڈیسک) برطانوی لڑکی نے ایک انوکھا اور دلچسپ تجربہ کرتے ہوئے کوڑے دان کا پلاسٹک کا بیگ پہنا اور فیشن شو میں پہنچ گئی۔ اس نے فیشن انڈسٹری کے مشہور فیشن شو کے بارے میں ایسا مضحکہ خیز تجربہ کیا ہے کہ دیکھ کر لوگ ہنس ہنس کر لوٹ پوٹ ہو گئے۔ نوجوان خاتون کی ویڈیو سوشل میڈیا پر تیزی سے وائرل ہو گئی۔

غیر ملکی میڈیا رپورٹس کے مطابق دنیا میں ایک سے بڑھ کر ایک نمونے ہیں۔ وہ تجربہ کے نام پر کچھ بھی کرنے لگتے ہیں اور فیشن کے تو کیا ہی  کہنے۔ اسی سلسلے میں برطانوی دارالحکومت لندن کی رہنے والی ایک لڑکی ایلی میری وٹبائی نے ایک دلچسپ تجربہ کرتے ہوئے کوڑے دان کی تھیلی پہنی اور فیشن شو میں پہنچ گئی۔ایلی میری وٹبائی لندن میں منعقد ہونیوالے فیشن ایونٹ میں جہاں دنیا کے مشہور برانڈز اپنے ڈیزائن پیش کرتے ہیں وہیں لڑکی ڈسٹ بن کی تھیلی  پہن کر وہاں پہنچ گئی۔ ایلی نے بتایا کہ وہ یہ کام صرف ایک تفریحی چیلنج کے لئے کر رہی ہیں۔ اس طرح وہ لوگوں کو ہنساتی ہیں۔ وہ کہتی ہیں کہ وہ آرٹ اور کرافٹ میں بہت اچھی نہیں ہیں لیکن اس نے کوڑے دان کی تھیلی سے ایک بہترین لباس بنایا ہے۔ بڑی مشکل سے اس میں سر ڈالنے کے بعد انہوں نے پاس پڑے کیلے کے چھلکے سے لباس بھی سجایا۔ چونکہ لندن فیشن ویک کی ہر تفصیل کو انتہائی خفیہ رکھا جاتا ہے ایسے میں  ان کے لیے اندر جانا آسان نہیں تھا۔

 برطانوی اخبار مرر کی رپورٹ کے مطابق انہوں نے پورا دن اپنے دوستوں کے ساتھ لوکیشن کا پتہ لگانے کے لئے گھومتے ہوئے گزارا۔ ان کے کچھ دوست فوٹوگرافرز کی طرح برتاؤ کرتے رہے اور وہ کسی نہ کسی طرح لائن میں لگ گئیں۔ ایلی کا کہنا ہے کہ اس طرح کے عجیب و غریب لباس میں وہاں ہونا قدرے بے چین اور غیر مطمئن تھا۔ ایک خاتون نے انہیں اپنے ساتھ والی پہلی نشست پر بیٹھنے کو کہا۔ اتنے بڑے ایونٹ میں نہ صرف ایلی کو انٹری ملی بلکہ ان کی تصاویر بھی کلک کی گئیں۔ انہوں  نے یہ پورا واقعہ اپنے یوٹیوب چینل پر ڈالا ہے جہاں لوگوں نے اسے بے حد پسند کیا ہے۔ صارفین نے اس کی دلچسپ حرکت کو بہت سراہا ہے ۔

یہ بھی پڑھیں: آسٹریلوی کھلاڑی پاکستانی دال روٹی کے دیوانے ،تصویر شیئر کردی