(24 نیوز )وہاڑی میں تیز رفتار کوسٹر کی گاڑی کو ٹکر سے ایک ہی گھر کے 4 افراد جاں بحق ہو گئے ۔
تفصیلات کے مطابق کوسٹر ملتان سے وہاڑی جاتے ہوئے راب راکھا موڑ پر رکشہ کوبچاتے ہوئے سامنے سے آنے والی کاڑ سے ٹکرا گئی ، کار میں سوار ایک ہی گھر کے 4 افراد جاں بحق جبکہ کوسٹر میں سوار متعدد افراد زخمی ہو گئے ہیں ۔
ریسکیو ذرائع کے مطابق کوسٹر ملتان سے وھاڑی کی طرف آ رہی تھی کہ رکشہ کو کراس کرتے ہوئے سامنے سے آنے والی کار میں ٹکرا گئی،جاں بحق ہونے والے افراد کی شناخت عفنان، ثریا ،
انم اور افعان کے نام سے ہوئی ہے، جاں بحق افراد 55 ڈبلیو بی کے رہائشی ہیں ، زخمیوں میں ثنا بی بی ،عثمان احمد ، شاہ زین اورعنیب احمد شامل ہیں جن کو وہاڑی ڈی ایچ کیو ہسپتال شفٹ کر دیا گیا ہے ۔