(24 نیوز)پنجاب اور خیبرپختونخوا میں پی ٹی آئی کے ٹکٹوں کی تقسیم کے معاملے پرچیئرمین ایڈوائزری کونسل کی سفارشات عمران خان کو موصول ہو گئیں۔
چیئرمین ایڈوائزری کونسل کے سربراہ حامد خان نے ٹکٹوں کی تقسیم سے متعلق رپورٹ پیش کردی، ایڈوائزری کونسل کی جانب سے کہاگیاہے کہ پارٹی مقبولیت عروج پر ہے، الیکٹیبلز کے بجائے پارٹی کے پرانے لوگوں کو ٹکٹ دی جائے، بار بار سیاسی وفاداریاں تبدیل کرنے والے رہنماؤں کو پارٹی ٹکٹ نہ دیا جائے۔
نیب زدہ اور کرپشن میں ملوث رہنماؤں کو بھی ٹکٹ دینے سے گریز کرنے کی سفارش کی گئی ہے، ایڈوائزری کونسل نے نوجوان قیادت کو سامنے لانے کی سفارش کر دی، ایڈوائزری کونسل نے مشورہ دیا ہے کہ مخلص، نظریاتی اور نوجوان قیادت کو کرپٹ رہنماؤں پر ترجیح دی جائے ۔
یہ بھی پڑھیں: سونا پھر سے مہنگا، اتنی قیمت ہو گئی کہ سن کر ہوش اڑ جائیں