(احمد منصور) پاک فوج کی زیر نگرانی بلوچستان لیوی اہلکاروں کا تربیتی کورس کشمور میں اختتام پذیر ہوگیا۔
تفصیلات کے مطابق پاک فوج کی زیر نگرانی بلوچستان لیویز فورس کا 3 ماہ پر مشتمل تربیتی کورس مکمل ہوگیا۔ کورس میں بلوچستان لیویز کے 325 اہلکاروں کو تریبت فراہم کی گئی۔
یہ بھی پڑھیے: گلگت بلتستان میں پاک فوج کا ریسکیو آپریشن، نوجوان کی جان بچا لی
پاک فوج کے اعلیٰ تربیت یافتہ ٹرینرز نے لیویز اہلکاروں کو اعتماد، مشکل ماحول میں کام کو سنبھالنا، جسمانی فٹنس، ہتھیاروں سے نمٹنا، انسداد دہشت گردی اور نظم و ضبط کی تربیت دی۔
خصوصی تربیتی کورس کا سب سے اہم جزو موجودہ حالات کے تناظر میں انسداد دہشتگردی کی ٹریننگ تھی۔ ٹریننگ میں سرچ آپریشن، کوئیک ری ایکشن فورس اور ناکہ بندی کا طریقہ کار، وی آئی پی سیکیورٹی، بم ڈسپوزل، جدید مواصلات کا استعمال اور موبائل ٹریکرز شامل تھی۔