بھارتی آل راؤنڈر نے ون ڈے کرکٹ سے ریٹائرمنٹ کی خبروں پر خاموشی توڑ دی

( 24 نیوز )بھارتی آل راؤنڈر رویندرا جڈیجا کا ون ڈے کرکٹ سے ریٹائرمنٹ کی خبروں پر ردعمل سامنے آگیا۔

اتوار کو بھارت نے آئی سی سی چیمپئنز ٹرافی 2025 کے فائنل میں نیوزی لینڈ کو 4 وکٹوں سے شکست دے کر تیسری بار چیمپئنز ٹرافی جیتنے کا اعزاز حاصل کرلیا۔

بھارتی آل راؤنڈر جڈیجا نے فاتحانہ رنز اسکور کرتے ہوئے بھارت کو تیسری چیمپئنز ٹرافی کا ٹائٹل جتوایا۔

اس جیت کے بعد قیاس آرائیاں کی جا رہی تھیں کہ جڈیجا ون ڈے فارمیٹ کو خیرباد کہہ دیں گے، لیکن انہوں نے فوری طور پر ان خبروں کو بے بنیاد قرار دے دیا۔

 یہ بھی پڑھیں: پاکستان کیخلاف ٹی ٹونٹی سیریز کیلئے نیوزی لینڈ کے  سکواڈ کا اعلان

میڈیا اور سوشل میڈیا پر گردش کرنے والی ان جھوٹی خبروں کو روکنے کے لیے، جڈیجا نے انسٹاگرام پر ایک اسٹوری پوسٹ کی۔

جس میں جڈیجا نے واضح طور پر لکھا کہ 'مہربانی کرکے کوئی غیر ضروری افواہیں نہیں، شکریہ'۔ 

 واضح رہے کہ 36 سالہ آل راؤنڈر نے بھارت کی فتح میں اپنی بولنگ سے اہم کردار ادا کیا۔

جڈیجا نےچیمپئنز ٹرافی کے فائنل میں شاندار بولنگ کرتے ہوئے 10 اوورز میں صرف 30 رنز دیے جبکہ بیٹنگ میں ناقابل شکست 9 رنز بنائے۔