(ارشاد قریشی) بانی پی ٹی آئی سے ملاقات کیلئے آئی انکی بہن علیمہ خان کی اڈیالہ جیل کے داخلی دروازے پر پی ٹی آئی وکلاء کے ساتھ شدید تلخ کلامی،علیمہ خان نے وکلاء رہنماوں کو چارج شیٹ کردیا۔
رپورٹ کے مطابق علیمہ خان سمیت بانی پی ٹی آئی کی بہنوں کی ملاقات ختم ہونے کے بعد اڈیالہ جیل کے داخلہ گیٹ پر علیمہ خان کی وکلاء رہنماؤں کے ساتھ تلخ کلامی ہو گئی، انہوں نے وکلاء رہنماوں کو چارج شیٹ کرتے ہوئے کہا کہ بانی پی ٹی آئی سے صرف وہی ملاقات کرے گا جسکو کوئی ذمہ داری سونپی گئی ہو۔ علیمہ خان کا وکلاء سے باقاعدہ مکالمہ ہوا، انہوں نے کہا کہ بغیر ذمہ داری کے کوئی وکیل جیل کے اندر نہیں جائے گا،آپ لوگوں نے کیا ڈرامہ لگایا ہوا ہے ہر بندہ صرف ملاقات کے لئے جیل آتا ہے۔ انہوں نے کہا کہ ہمارا بھائی اندر ہے، ہمارا اس سے پیار ہے ہم اسکے لئے جان بھی دے سکتے ہیں،کوئی بھی وکیل اپنی طرف سے عدالت میں اضافی پٹیشن دائر نہیں کرے گا،پٹیشن دائر کرنے کا اختیار صرف سلمان اکرم اور سلمان صفدر کے پاس ہے۔
اس موقع پر علیمہ خان نے وکلاء سے سوال کیا کہ میرے بھائی کی بچوں سے ٹیلی فونک بات نہیں کرائی جا رہی،نہ کتابیں مل رہی ہیں۔علیمہ خان نے نعیم پنجھوتہ سے سوال کیا کہ آپ بشری بی بی کے فوکل پرسن ہیں آپ کس کس سے ملتے ہیں۔نعیم پنجھوتہ نے جواب میں کسی سے نہیں ملا،جس سے ملا یوں آپ بتائیں۔علیمہ خان نےنعیم پنجھوتہ پر غم و غصہ کا اظہار کرتے ہوئے کہا کہ میرے ساتھ بدتمیزی نہ کریں۔ جس پر نعیم پنجھوتہ نے جواب دیا کہ میں بدتمیزی نہیں کر رہا،ہم جیلیں بھگت کر آئے،ہم پر پرچے ہوئے ہیں۔ اس پر علیمہ خان نے کہا کہ تم یہ کس طرح مجھ سے بات کر رہے ہو،خاموش رہو۔ اس موقع پر کھڑے وکلاء نعیم پنجھوتہ کو پکڑسائیڈ پر لے گئے۔علیمہ خان وکلاء سے ایک بات بار بار پوچھتی رہیں کہ آپ اب تک بانی کے لئے عدالت سے کیا ریلیف لیا ہے۔
یہ بھی پڑھیں: کوئٹہ سے پشاور جانیوالی ٹرین پر فائرنگ،ڈرائیور زخمی،450مسافروں کو یرغمال بنا لیا گیا