علیمہ خان کا سخت رویہ،نعیم حیدر پنجوتھہ نے بانیPTI کو شکایت لگا دی

(24 نیوز) بانی پی ٹی آئی کی بہن علیمہ خان سے اڈیالہ جیل کے داخلی دروازے پر ہونیوالے مکالمے کے بعد  نعیم حیدر پنجوتھہ نے علیمہ خان کے سخت رویے کی بانی پی ٹی آئی کو شکایت لگادی۔ 

ذرائع کے مطابق بانی پی ٹی آئی نے تسلی سے نعیم حیدر پنجوتھہ کی شکایت کو سنا، بانی پی ٹی آئی نے علیمہ خان کی سخت زبان کا نوٹس بھی لے لیا۔ بانی پی ٹی آئی نے علیمہ خان کی وکلاء سے تکرار پر ناراضی کا اظہار کیا۔ذرائع کا کہنا ہے کہ بانی پی ٹی آئی نے یقین دلایا کہ وہ علیمہ خان کو وکلاء سے الجھنے پر منع کریں گے۔

یاد  رہے کہ اس سے قبل آ ج بانی پی ٹی آئی کی بہن علیمہ خان کی اڈیالہ جیل کے داخلی دروازے پر پی ٹی آئی وکلاء سے تلخ کلامی ہوئی تھی۔علیمہ خان نے کہا تھا کہ بانی پی ٹی آئی سے صرف وہی ملے گا جس کو کوئی ذمہ داری سونپی گئی ہو۔ بغیر ذمہ داری کے کوئی وکیل جیل کے اندر نہیں جائے گا۔ علیمہ خان نے نعیم حیدر پنجوتھہ کو خاموش رہنے کا بھی کہا تھا۔
یہ بھی پڑھیں:کیا ڈرامہ لگایا ہوا ہے،علیمہ خان کی پی ٹی آئی کے وکلاء کو شٹ اپ کال