فواد چودھری قومی کرکٹ ٹیم کی مسلسل کامیابیوں پر خوش

 (24نیوز)وفاقی وزیر اطلاعات و نشریات فواد چوہدری بھی قومی کرکٹ ٹیم کی مسلسل کامیابیوں پر خوش نظر آرہے ہیں، کپتان قومی کرکٹ ٹیم بابر اعظم کی تعریف کرتے دکھائی دے رہے ہیں۔

تفصیلات کے مطابق انہوں نے سوشل میڈیا سائٹ ٹوئٹر پر جاری بیان میں کہا کہ ’مسلسل دوسری سیریز جیتنے پر پاکستان کرکٹ ٹیم کو مبارک۔‘

واضح رہے وفاقی وزیر نے کہا کہ کرکٹ پاکستان کے تمام لوگوں کو جوڑتی ہے اس لیے کرکٹ ٹیم کی کامیابی پر ہر پاکستانی کادل خوشی سے جھومتا ہے۔انہوں نے لکھا کہ بابر اعظم آپ کا اور لڑکوں کا شکریہ کہ کورونا کی اس گھٹن میں آپ نے ہمارے دلوں کو خوشی سے معمور کیا۔

مسلسل دوسری سیریز جیتنے پر پاکستان کرکٹ ٹیم کو مبارک، کرکٹ پاکستان کے تمام لوگوں کو جوڑتی ہے اس لئےکرکٹ ٹیم کی کامیابی پرہر پاکستانی کادل خوشی سے جھومتا ہے،بابر اعظم آپ کا اور لڑکوں کا شکریہ کہ کرونا کی اس گھٹن میں آپ نے ہمارے دلوں کو خوشی سے معمور کیا،خدا کرے یہ سلسہ جاری رہے

— Ch Fawad Hussain (@fawadchaudhry) May 11, 2021

وفاقی وزیر نے امید ظاہر کرتے ہوئے دعا کی کہ خدا کرے یہ سلسہ جاری رہے۔واضح رہے کہ گزشتہ روز پاکستان نے زمبابوے کے خلاف وائٹ واش مکمل کرتے ہوئے ٹیسٹ سیریز دو صفر سے اپنے نام کی تھی، گرین کیپس نے میچ ایک اننگز اور 147رنز سے ا پنے نام کرلیا۔ میچ کا فیصلہ چوتھے دن ہوا۔
 یہ بھی پڑھیں:      قومی ٹیم کے فا سٹ باﺅلر نے کاﺅنٹی کرکٹ میں گوروں کو دھول چٹا دی