(اویس کیانی)پاکستان تحریک انصاف کے رہنما اسد عمر نے سیاست سے مکمل طور پر کنارہ کشی اختیار کرنے کا اعلان کردیا اور کہا ہے کہ پی ٹی آئی کی بنیادی رکنیت سے بھی استعفیٰ دے رہا ہوں۔
سماجی ویب سائٹ ایکس پر اپنے آفیشل اکاونٹ سے سیاست چھوڑنے کا اعلان کرتے ہوئے اسد عمر نے کہا کہ ’’ایک دہائی سے زیادہ عوامی زندگی کے بعد‘‘ میں نے سیاست کو مکمل طور پر چھوڑنے کا فیصلہ کیا ہے جیسا کہ میں پہلے بھی عوامی سطح پر کہہ چکا ہوں کہ میں ریاستی اداروں کے ساتھ تصادم کی پالیسی سے متفق نہیں ہوں اور ایسی پالیسی ریاستی اداروں کے ساتھ شدید ٹکراؤ کا باعث بنی ہے جو کہ ملک کے مفاد میں نہیں ہے۔
اسد عمر نے اپنی طویل پوسٹ میں مزید لکھا کہ میں پی ٹی آئی کی بنیادی رکنیت سے استعفیٰ دے رہا ہوں، میں ان تمام لوگوں کا شکرگزار ہوں جنہوں نے عوامی زندگی میں میرا ساتھ دیا، خاص طور پر میں این اے 54 کی ٹیم اور ووٹرز کا شکریہ ادا کرنا چاہتا ہوں جنہوں نے مجھے دو بار منتخب کیا، جس حلقےاور میں نے اس حلقہ کی خدمت کرنے کی بھر پور کوشش کی، اللہ پاک پاکستانی قوم پر اپنی رحمتیں نازل فرمائے۔
یہ بھی پڑھیں: جہانگیر ترین نے بڑا اعلان کر دیا