کووں کی ایک اور ذہانت ، سائنسدان بھی دنگ رہ گئے

(ویب ڈیسک) ذہانت کی بات کی جائے تو سائنس دان طویل عرصے سے پرندوں کو عقل مند سمجھتے آئے ہیں لیکن ایک ایسا پرندہ ہے جس نے سائنسدانوں کو ہمیشہ حیران کیا ہے اور وہ ہے کوا۔
 سائنسدانوں نے دریافت کیا ہے کہ کوے چیزوں کو بنانے، انہیں ذخیرہ کرنے، اوزاروں کی دیکھ بھال کرنے کی صلاحیت رکھتے ہیں اور وہ کھیل سے لطف اندوز بھی ہوتے ہیں۔
اب سائنس دانوں نے حال ہی میں دریافت کیا ہے کہ کوے انتہائی انتقامی بھی ہوتے ہیں اور طویل عرصے تک رنجشیں رکھتے ہیں۔ یہ ان لوگوں کو کبھی نہیں بھولتے جو انہیں نقصان پہنچانے کی کوشش کرتے ہیں۔

امریکا کی واشنگٹن یونیورسٹی کے پروفیسر جان مارزلف نے اپنے مطالعے کے آغاز میں ایک خوفناک ماسک کا استعمال کرتے ہوئے سات کووں کو پکڑا اور قید کیا اور کچھ عرصے بعد انہیں چھوڑ دیا۔ چھوڑنے سے پہلے انہوں نے پرندوں کی ٹانگوں پر شناختی ٹیگ لگا دیا۔

یہ بھی پڑھیں : وی پی این میں خلل کی وجہ کیا ہے؟

اس کے کچھ عرصے بعد پروفیسر مارزلف اور ان کی ٹیم نے وہی ماسک پہن کر یونیورسٹی کے کیمپس کے باہر چکرلگایا، کووں کو کھانا کھلایا اور ان کے رد عمل کو ریکارڈ کیا۔

انہوں نے پایا کہ 53 میں سے 47 کووں نے جارحانہ رویے کا مظاہرہ کیا جبکہ بعد میں جب ماسک اتار کر کووں کے پاس آنا ہوا اور کھلانے کا عمل دہرایا گیا تو رویہ مختلف تھا۔ جس سے ثابت ہوا کہ کوے شکلیں یاد رکھنے کی صلاحیت رکھتے ہیں۔