(ویب ڈیسک)پاکستانی میزبان و اداکارہ مشی خان لائیو شو کے اختتام پر مہمانوں اور ٹیم کے ہمرار سیلفی لیتے ہوئے گر پڑیں،جس کی ویڈیو سوشل میڈیا پر وائرل ہوگئی۔
تفصیلات کے مطابق اداکارہ مشی خان اپنے شو کے دوران صوفے پر بیٹھ کر سیلفی لینے کی کوشش کررہی تھیں لیکن وہ اپنا توازن برقرار نہ رکھ سکیں اور صوفے سے نیچے آگریں جب کہ اس دوران ان کے ہاتھ میں پکڑا موبائل فون بھی فرش پر گرگیا۔
وائرل ویڈیو میں مشی خان شو کے اختتام پر ٹیم کے ارکان سے پوچھتی ہیں کہ ہمارے پاس کتنا ٹائم بچ گیا ہے؟ جس کے بعد وہ اپنا فون نکال کر سیلفی نکالنے کی کوشش کرتی دکھائی دیتی ہیں۔
ویڈیو میں دیکھا جا سکتا ہے کہ اداکارہ جیسے ہی فون نکال کر سیلفی لینے کی کوشش کرتی ہیں تو وہ اپنا توازن کھو بیٹھتی ہیں اور کرسی سے نیچے گرجاتی ہیں۔
میزبان کے فرش پر گرنے کے بعد انتظامیہ میں موجود شخص فوری ان کی مدد کو آگیا اور ان کی خیریت دریافت کی جس پر مشی خان صوفے پر بیٹھ کر ہنسنے لگیں۔
خود کو سنبھالنے کے بعد میزبان نے انتظامیہ سے کہا کہ "آپ لوگ میرے ساتھ جلدی نہ کیا کریں"۔
یہ بھی پڑھیں : پنجاب میں مفت سولر پینل اسکیم کیلئے چارارب روپے جاری
اداکارہ کے لائیو شو کے دوران زمین پر گرپڑنے کی ویڈیو سوشل میڈیا پر وائرل ہوگئی ہے جس پر صارفین جہاں اداکارہ سے ہمدردی کا اظہار کررہے ہیں وہیں کچھ صارفین اداکارہ کی سیلفی لینے کی خواہش میں زمین پر گر پڑنے کا مذاق بھی بنارہے ہیں۔
کچھ صارفین نے اس پر دلچسپ تبصرے کیے اور زیادہ تر لوگوں نے لکھا کہ انہوں نے گرنے کا ڈرامہ کیا۔