معروف سٹیج رائٹر منیر راج انتقال کرگئے

(زین مدنی)پاکستانی سٹیج ڈراموں کے نامور رائٹر منیر راج 74 برس کی عمر میں انتقال کر گئے۔

تفصیلات کے مطابق معروف سٹیج رائٹر پھیپھڑوں اور دل کے عارضہ میں مبتلا تھے جبکہ گزشتہ دو ماہ سے وہ ہسپتال میں زیر علاج تھے۔

منیر راج کے اہل خانہ کی جانب سے ان کے انتقال کی خبر کی تصدیق کی گئی ہے۔

رائٹر منیر راج کا شمار پاکستان کے نامور اسٹیج رائٹرز میں ہوتا تھا، منیر راج نے لا تعداد اسٹیج ڈرامے تحریر کئے اور انڈسٹری میں اپنا نام منوایا۔

یہ بھی پڑھیں : دوران شو اداکارہ مشی خان کا گرنا، صارفین نے ڈرامہ قرار دےدیا

ان کے مشہور ڈراموں میں "رولا داج دا"،" فیقا ان امریکا "، "نظام سقہ" ،"اک نواں تماشا"،" سینڈل اور سکینڈل" ، "ڈسکو دیوانے" ،"کالا کرما والا" اور دیگر شامل ہیں۔