شدید دھند اور سموگ کے باعث موٹر وے کو بند کردیا گیا

(اسرار خان) پنجاب کی میدانی علاقوں میں شدید دھند کے باعث موٹروے ایم 4 پنڈی بھٹیاں سے عبدالحکیم تک بند کردیا گیا ۔ 
ترجمان موٹروے پولیس سید عمران احمد کے مطابق  موٹرویز کو عوام کی حفاظت اور محفوظ سفر یقینی بنانے کے لیے بند کیا جاتا ہے،روڈ یوزرز زیادہ سے زیادہ دن کے اوقات پر سفر کرنے کو ترجیح دیں، صبح 10 سے شام 6 بجے تک دھند کے موسم میں بہترین سفری اوقات ہیں۔

 ترجمان موٹروے پولیس کا کہنا ہے کہ روڈ یوزرز  آگے اور پیچھےدھند والی لائٹس کا استعمال کر یں،روڈ یوزرز غیر ضروری سفر سے گریز کریں، تیز رفتاری سے پرہیز کر یں اور اگلی گاڑی سے مناسب فاصلہ رکھیں،روڈ یوزرز معلومات اور مدد کے لیے ہیلپ لائن 130 سے رابطہ کریں۔

یہ بھی پڑھیں: سموگ تدارک کارروائیاں ناکام، لاہور آلودگی میں پھر پہلے نمبر پر