اسرائیل فلسطین کشیدگی پر جمائما کا ردِ عمل بھی آ گیا

(افضل بلال) چیئرمین پی ٹی آئی عمران خان کی سابقہ اہلیہ جمائما گولڈ سمتھ نے فلسطین اور اسرائیل کشیدگی پر ردِ عمل دیتے ہوئے کہا ہے کہ میں دونوں سائیڈوں پر خاص طور پر معصوم بچوں کے ساتھ کھٹری ہوں۔

فلسطین اور اسرائیل میں جاری کشیدگی سے تقریباََ ساری دنیا ہی کسی نہ کسی لحاظ سے متاثر ہو رہی ہے، اقوام متحدہ، یورپی یونین سمیت عالمی ادارے بھی اپنا اپنا ردِ عمل دے چکے ہیں، تمام ممالک بھی اس کشدگی سے سفارتی، معاشی اور نظریاتی طور پر متاثر ہو رہے ہیں، ورلڈ بینگ اور عالمی مارکیٹ بھی اس کے اثرات بھگت رہے ہیں۔

یہ بھی پڑھیں: فلسطین اسرائیل کشیدگی، حماس نے بڑی دھمکی دیدی

حماس اور اسرائیل کی جانب سے دونوں اطراف حملوں کا سلسلہ جاری ہے، ایسی صورتحال میں سابق وزیراعظم پاکستان اور پاکستان تحریکِ انصاف (پی ٹی آئی) عمران خان کی سابقہ اہلیہ جمائما گولڈ سمتھ نے سماجی رابطے کی ویب سائیٹ ایکس (سابقہ ٹوئٹر) پر اپنے جاری کردہ پیغام کے ذریعے اس کشیدگی پر اپنا ردِ عمل دے دیا ہے۔

I stand with the innocent human beings on both sides of this conflict, especially the children.

Condemn both. pic.twitter.com/h2K8i1eGlM

— Jemima Goldsmith (@Jemima_Khan) October 9, 2023

ایکس پر جاری کردہ اپنے پیغام میں جمائما نے لکھا کہ ’’ میں اس تنازعہ کے دونوں طرف کے معصوم انسانوں خصوصاً بچوں کے ساتھ کھڑی ہوں، دونوں کی مذمت کرتی ہوں‘‘۔