اسلام آباد: کورونا کیسز میں اضافے پر مزید32 گلیاں سیل 

 (24 نیوز)وفاقی دارالحکومت اسلام آباد میں کورونا وائرس کے کیسز میں اضافے پرمزید32 گلیاں سیل کردی گئیں۔
تفصیلات کے مطابق اسلام آباد انتظامیہ نے ڈسٹرکٹ ہیلتھ آفیسر کی ہدایات پر شہر کے 13 سب سیکٹرز میں 32 گلیوں کو آج شام 7 بجے سے سیل کرنے کا فیصلہ کر لیا۔اس ضمن میں جاری نوٹی فکیشن کے مطابق اسلام آباد سیکٹر جی 6 ون میں 5 گلیوں، جی 2/6 میں ایک گلی، جی 2/7 میں 2 گلیوں، سیکٹر جی 3/9 میں چار گلیوں جبکہ جی ٹین ٹو کی ایک گلی کو سیل کیا جائے گا۔
نوٹی فکیشن کے مطابق اسلام آباد سیکٹر جی الیون ٹو کی 5 گلیوں، جی 2/13 کی تین گلیوں، سیکٹر ایف 1/7 کی دو گلیوں اور ایف2/10 کی دو گلیوں کو سیل کیا جائے گا۔اس کے علاوہ اسلام آباد سیکٹر ای 2/11 کی دو گلیوں، آئی 4/8 کی دو گلیوں، آئی 4/9 کی دو گلیوں جب کہ آئی 2/10 کی ایک گلی کو سیل کرنے کے احکامات جاری کئے گئے ہیں۔

یہ بھی پڑھیں: سو شل میڈیا پر ڈاکٹر عبدالقدیر کے انتقال کی افواہیں۔۔محسن پا کستان خود میدان میں آگئے