جبران ناصر اور منشا پاشا کے نکاح کی تصاویر وائرل

(24نیوز) پاکستانی نامور اداکارہ منشا پاشا اور  مشہور سماجی کارکن جبران ناصر  کراچی میں ہونے والی نجی تقریب میں شادی کے بندھن میں بندھ گئےجس کی تصاویر اب سوشل میڈیا پر وائرل ہوچکی ہیں۔

 جبران ناصر نے ٹوئٹرپرنکاح کی تصاویرشیئرکرتے ہوئے لکھا  “ہم نے کل اپنی فیملیز کی موجودگی میں شادی کی، جسے کرونا کے بعد دوستوں اور فیملی کے ساتھ سیلیبریٹ کرنے کیلئے پرامید ہیں”۔

 نکاح کی تقریب کا انعقاد گھرپرکیا گیا تھا، اس جوڑے کا نکاح معروف اسکالر جاوید غامدی نے بذریعہ ویڈیو پڑھایا۔