معروف صحافی آئی اے رحمان انتقال کر گئے

(24نیوز)انسانی حقوق کے علمبردار ، معروف صحافی آئی اے رحمان لاہورمیں انتقال کر گئے۔

سابق صدر آصف علی زرداری نے آئی اے رحمان کے انتقال پر  افسوس کا اظہار کرتے ہوئے کہا کہ  آئی اے رحمان کی آزادی صحافت اور انسانی حقوق کے خدشات ناقابل فراموش ہیں۔آئی اے رحمان کے انتقال سے انسانی حقوق کیلئے اٹھنے والی آواز خاموش ہوگئی ہے ۔ پیپلزپارٹی کی قیادت اور کارکن آئی اے رحمان کے خاندان کے غم میں شریک ہیں۔ آصف زرداری نے آئی اے رحمان کیلئے مغفرت اور بلند درجات کیلئے دعا بھی کی۔

واضح رہے کہ معروف صحافی آئی اے رحمان  1930 میں بھارتی شہر ہریانا میں پیدا ہوئے۔ آئی اے رحمان کی عمر 90 برس تھی۔عرصہ دراز سے شوگراوربلڈپریشرکےمرض میں مبتلا تھے۔

 یہ بھی پڑھیں: کراچی: چوروں‌ کی بینک میں انٹری۔۔درجنوں‌ لاکرز خالی