سعودی وزیر خارجہ اور اقوام متحدہ کے خصوصی ایلچی برائے شام میں رابطہ، شام میں قیام امن کی کوششوں پر تبادلہ خیال

 (24 نیوز) سعودی وزیر خارجہ اور اقوام متحدہ کے خصوصی ایلچی برائے شام کے درمیان ٹیلی فونک گفتگو ہوئی جس میں شام میں قیام امن کی کوششوں پر تبادلہ خیال کیا گیا۔

سعودی وزیر خارجہ شہزادہ فیصل بن فرحان نے اقوام متحدہ کے خصوصی ایلچی برائے شام سے گفتگو کرتے ہوئے اس عزم کا اعادہ کیا کہ سعودی عرب شام میں جاری بحران کو سیاسی عمل سے حل کرنے کا خواہش مند ہے تاکہ شام ترقی اور خوشحالی کی جانب بڑھ سکے۔

سعودی وزیرخارجہ شہزادہ فیصل بن فرحان کا کہنا تھا کہ شام کی سعودی عرب، عرب وابستگی کی وجہ سے بھی شامی عوام کی بھلائی کا خواہشمند ہے۔ اقوام متحدہ کے ایلچی نے سعودی عرب کے کردار کو سراہا اور کہا کہ شامی بحران کے خاتمے کے لئے ہمیں ملکر کام کرنا ہوگا۔