(ویب ڈیسک)بھارت میں ہریانہ کے سونی پت میں واقع او پی جندال گلوبل یونیورسٹی میں ایک حیرت انگیز واقعہ رونما ہو گیا۔
بھارتی میڈیا کے مطابق ایک طالب علم نے مبینہ طور پر اپنی گرل فرینڈ کو ایک بڑے سوٹ کیس میں چھپا کر لڑکوں کے ہاسٹل میں منتقل کرنے کی کوشش کی جس کی ویڈیو سوشل میڈیا پر وائرل ہوگئی،طالب علم نے لڑکی کو ایک بڑے سوٹ کیس میں بند کرکے ہاسٹل کے احاطے میں لے جانے کی کوشش کی تاہم یہ منصوبہ اُس وقت ناکام ہو گیا جب معمول کی سکیورٹی چیکنگ کے دوران گارڈز کو بھاری بھرکم سامان پر شک ہوا۔
سکیورٹی عملے نے بیگ کی تلاشی لی تو بیگ میں لڑکی موجود تھی، گارڈز نے فوراً سوٹ کیس کھول کر اُسے باہر نکالا،اس واقعے کو متعدد طلبا نے اپنی آنکھوں سے دیکھا اور ویڈیوز بنا کر سوشل میڈیا پر وائرل کی، یونیورسٹی انتظامیہ کی طرف سے اس واقعے پر کوئی باضابطہ بیان جاری نہیں کیا گیا ہے اور یہ واضح نہیں ہو سکا کہ متعلقہ طالب علم کے خلاف کوئی تادیبی کارروائی کی گئی ہے یا نہیں۔
اس قبل بھارت کے شہر حیدرآباد کے مضافات میں واقع ابراہیم پٹنم پولیس اسٹیشن کی حدود میں موجود ایک ہاسٹل میں انجینئرنگ کی طالبہ زیادتی کا نشانہ بنی تھی، کھمم ضلع سے تعلق رکھنے والی ایک طالبہ ابراہیم پٹنم منڈل،منگل پلی گیٹ کے ایک پرائیویٹ ہاسٹل میں رہائش پذیر تھی۔