پاکستانی ویمن فٹبالر ماریہ خان سعودی کلب سے معاہدہ کرلیا

(24 نیوز) پاکستان ویمن فٹبال ٹیم کی کپتان ماریہ خان نے سعودی فٹبال کلب ایسٹرن فلیمز سے معاہدہ کرلیا ہے، قومی فٹبالر سعودی عرب میں پروفیشنل فٹبال کھیلنے والی پہلی پاکستانی خاتون فٹبالر ہوں گی۔

سعودی ویمن پریمیئر لیگ کلب ایسٹرن فلیمز نے گزشتہ روز اعلان کیا تھا کہ اس سیزن کیلئے پاکستان ویمن فٹبال ٹیم کی کپتان اور مڈ فیلڈر ماریہ خان کو شامل کرلیا گیا ہے۔

تنضم ماريا خان الى صفوف نادي شعلة الشرقية ????

تعاقد إدارة النادي مع اول المحترفات الاجانب ، لتدعيم صفوف الفريق الاول لكرة القدم سيدات في الدوري الممتاز للسيدات لهذا الموسم ????

ماريا خان هي كابتن المنتخب الباكستاني ????????#ماريا_خان#شعلة_الشرقية #فخر_الشرقية #كرة_القدم_النسائية pic.twitter.com/yrEpHyUmaR

— نادي شعلة الشرقية (@EasternFlamesFC) August 11, 2023

کلب کا کہنا ہے کہ پاکستانی پروفیشنل فٹبالر کو سائن کرنے کا مقصد سعودی پریمیئر لیگ کے نئے سیزن میں ٹیم کو مزید مضبوط کرنا ہے۔

کلب کے پلیئرز روسٹر کے مطابق اس کے پاس کولمبیا، الجزائر اور مراکش کے فٹبالرز بھی موجود ہیں تاہم سعودی پریمیئر لیگ کے گزشتہ سال ہونے والے پہلے سیزن میں ایسٹرن فلیمز صرف دو میچز میں کامیاب ہوئی تھی۔

ماریہ خان کو گزشتہ برس پاکستان ویمن فٹبال ٹیم کا کپتان بنایا گیا تھا، اس سال کے آغاز میں سعودی عرب میں ہونے والے چار ملکی ٹورنامنٹ میں میزبان ٹیم کیخلاف میچ میں ان کے فری کک کے گول نے ہر کسی کی توجہ حاصل کرلی تھی۔