فیفا ویمن ورلڈ کپ: آسٹریلیا نے فرانس کو ہرا کر سیمی فائنل کیلئے کوالیفائی کرلیا

(24 نیوز) فیفا ویمن فٹبال ورلڈ کپ کے کوارٹر فائنل میں آسٹریلیا نے پنالٹی شوٹس آؤٹ پر فرانس کو شکست دے کر سیمی فائنل کیلئے کوالیفائی کرلیا۔

فیفا ویمن ورلڈ کپ میں شاندار مقابلوں کا سلسلہ جاری ہے، آسٹریلیا اور فرانس کے درمیان کوارٹر فائنل میں فل ٹائم میں دونوں ٹیمیں کوئی گول نہ کرسکیں اور میچ بغیر کسی گول کے برابر رہا جس کے بعد دونوں ٹیموں کو اضافی وقت دیا گیا لیکن اس دوران بھی کوئی ٹیم گول سکور نہ کرسکی جس کے باعث میچ کا مقابلہ پنالٹی شوٹس پر ہوا۔

#AUS won a dramatic penalty shootout against #FRA to book their spot in the #FIFAWWC Semi-Finals for the first time in their history! ????????????

— FIFA World Cup (@FIFAWorldCup) August 12, 2023

آسٹریلیا نے فرانس کو سنسنی خیز مقابلے کے بعد پنالٹی شوٹ آؤٹ سڈن ڈیتھ پر شکست دی، آسٹریلیا نے پنالٹی شوٹس پر 7 گول سکور کیے جبکہ فرانس نے 6 گول سکور کیے اور گول کرنے کے 3 مواقع ضائع بھی کیے۔