2021 :پاکستان میں کرکٹ کی رونقیں عروج پر

(24 نیوز) پاکستان 2021چار غیر ملکی ٹیموں کی میزبانی کرے گا۔ پاکستان کرکٹ بورڈ نے اخبارات میں ایک اشتہار جاری کیا ہے جس میں اعلان کیا گیاہے کہ آئندہ برس پاکستان ٹیم جنوبی افریقہ، انگلینڈ، نیوزی لینڈ اور ویسٹ انڈیز کے خلاف ہوم سیریز کھیلے گی۔

تفصیلات کے مطابق پی سی بی نے چاروں ہوم سیریز میں قومی کرکٹ ٹیم کے لیے سپانسرز کی تلاش شروع کر دی ہے۔پہلے مرحلے میں کووڈ-19 کے حالات میں سینی ٹائزیشن، سیریز ٹائٹل پارٹنر شپ، سیریز پریزنٹنگ، کیٹگری پارٹنر شپ رائٹس ریڈیو اور آڈیو اسٹریمنگ، وائرلیس موبائل ٹیلفونی رائٹس  اور ہائی جین پارٹنر رائٹس کے لیے پیشکشں طلب کی گئی ہیں جو 28 دسمبر تک جمع کرائی جا سکتی ہیں۔

پی سی بی نے جنوبی افریقہ کے خلاف ہوم سیریز کی تیاریوں کا آغاز بھی کر دیا ہے۔یاد رہے کہ جنوبی افریقہ کی کرکٹ ٹیم نے 16 جنوری کو کراچی پہنچنا ہے، سیریز میں 2 ٹیسٹ اور 3 ٹی ٹونٹی میچز  شامل ہیں۔