(مانیٹرنگ ڈیسک) کراچی یونیورسٹی میں تعلیمی سال 2022 کے لیے داخلہ ٹیسٹ کی تاریخ کا اعلان کر دیا گیا، انٹری ٹیسٹ بروز اتوار 12دسمبر کو ہو گا۔
تفصیلات کے مطابق کراچی یونیورسٹی میں تعلیمی سال 2022 کے ڈاکٹر آف فارمیسی، ڈاکٹر آف فزیکل تھراپی، بی ای، بی ایس اور بی ایڈ (آنرز) پروگرام کے لیے داخلہ ٹیسٹ اتوار 12 دسمبر 2021 کو منعقد ہوگا۔داخلہ ٹیسٹ میں 15 ہزار سے زائد امیدوار شریک ہوں گے۔
واضح رہے تمام امیدواروں کو ایڈمٹ کارڈ جاری کر دیے گئے ہیں جس پر رپورٹنگ ٹائم امتحانی مرکز اور کمرۂ امتحان کا نمبر درج ہے۔داخلہ ٹیسٹ میں شرکت کرنے والے امیدواروں کو ہدایت کی گئی ہے کہ وہ صبح 10:00 بجے اپنے اصل شناختی کارڈ اور ایڈمٹ کارڈ کے ساتھ اپنے متعلقہ امتحانی مرکز پر حاضری کو یقینی بنائیں۔
یہ بھی پڑھیں: تعلیمی ادارے اگلے سال تک بند۔۔۔اعلان ہو گیا!!