(فرزانہ صدیق) وفاقی پولیس نے اسلحہ لائسنس کا اجراء اور رینیول دو روزہ ٹریننگ سے مشروط کردی، جس کا نوٹیفکیشن جاری کردیا گیا۔
نوٹفکیشن کے مطابق وفاقی انتظامیہ یا وزارت داخلہ سے اسلحہ لائسنس سے قبل ٹریننگ لازم ہوگی، وفاقی پولیس لائن کی شوٹنگ رینج پر شہری 2 روز کی ٹریننگ حاصل کریں گے۔
نوٹیفکیشن میں کہا گیا ہے کہ کریکٹر سرٹفکیٹ کے بجائے ٹریننگ سرٹفیکٹ کے عوض لائسنس کا اجراء اور رینیول ہوگا، شہری معمولی سی فیس کے بعد فائرنگ کے مقابلے یا اسلحہ استعمال کیلئے آ سکیں گے۔