(24 نیوز) پاکستان سٹاک ایکسچینج نے پچھلے سارے ریکارڈ توڑتے ہوئے انڈیکس میں 1 لاکھ 14 ہزار کی بلند ترین سطح کو بھی عبور کرلیا جبکہ ڈالر کی قیمت بھی کم ہوگئی ہے۔
کاروباری ہفتے کے چوتھے روز بھی پاکستان سٹاک ایکس چینج میں کاروبار میں تیزی دیکھی گئی، جہاں کاروبار کے آغاز پر 100 انڈیکس میں 2671 پوائنٹس کا اضافہ ہوا،جس کے بعد سٹاک مارکیٹ میں بینچ مارک 100 انڈیکس پہلی بار 1 لاکھ 14 پوائنٹس کی ریکارڈ سطح عبور کر گیا ۔
واضح رہے کہ گزشتہ کاروباری روز کے اختتام پر پاکستان سٹاک ایکسچینج میں ہنڈرڈ انڈیکس 1913 پوائنٹس اضافے کے ساتھ 1 لاکھ 11 ہزار 810 پوائنٹس کی سطح پر بند ہوا تھا۔
مزید پڑھیں:آئی ایم ایف کے 7 ارب ڈالر پر 5 فیصد سود ، قرضہ 10 سال میں واپس ہو گا
دوسری جانب روپے کے مقابلے میں ڈالر کی قیمت میں بھی کمی کا سلسلہ برقرار ہے ، انٹر بینک میں 10 پیسے سستا ہونے کے بعد ڈالر کی قیمت 278 روپے 10 پیسے ہو گئی ہے۔