انگلینڈ  کابھارت کے خلاف ٹی ٹونٹی سیریز کیلئے ٹیم کا اعلان 

(24 نیوز)انگلینڈ نےبھارت کے خلاف پانچ میچوں کی ٹی ٹونٹی سیریز کے لئے اپنی ٹیم کا اعلان کردیا ہے۔ لیونگ سٹون کی اس سیریز کے ساتھ تقریبا تین سال بعد انگلینڈ کی ٹی ٹونٹی ٹیم میں واپسی ہوئی ہے۔

 تفصیلات کے مطابق انگلینڈ کے 16 رکنی ٹی 20 ٹیم کے سکواڈ میں ایون مورگن کپتان کے فرائض انجام دیں گے جبکہ دیگر کھلاڑیوں میں معین علی ، جوفرا آرچر ، جانی بیئرسٹو ، سیم بلنگز ، جوس بٹلر ، سیم کیرن ، ٹام کیرن ، کرس جارڈن ، لیام لیونگ سٹون ، ڈیوڈ ملان ، عادل راشد ، جیسن رائے ، بین اسٹوکس ، ریس ٹاپلی اور مارک ووڈ شامل ہیں۔

آسٹریلیا میں اختتام پذیر ہونے والی والی بگ بیش لیگ میں پرتھ سکارچرز کے لئے بہترین کارکردگی کا مظاہرہ کرنے والےبلے باز لیام لیونگ سٹون تقریبا تین سال بعد انگلینڈ کی ٹی ٹونٹی ٹیم میں واپسی کررہے ہیں۔