وزیراعظم سے منسوب میرا بیان جعلی، تنقید نہیں کی، مولانا طارق جمیل

(24 نیوز) معروف مذہبی سکالر مولانا طارق جمیل نے واضح کیا ہے کہ انہوں نے اسلام آباد میں ہونے والے سرکاری ملازمین کے حالیہ احتجاج پر وزیر اعظم عمران خان کو تنقید کا نشانہ نہیں بنایا ہے۔ انہوں نے اس حوالے سےسوشل میڈیا پر  گردش کرنے والی جعلی خبروں کی تردید کردی ہے۔

تفصیلات کے مطابق مولانا طارق جمیل نے اپنے ٹویٹر اکاؤنٹ پر اپنے نام سے منسوب اس جعلی بیان کا سکرین شاٹ شیئر کیا ہے جو کہ وزیراعظم عمران خان کے خلاف تھا۔مولانا طارق جمیل نے سکرین شاٹ شیئر کرتے ہوئے کہا کہ ’میرا اس بیان سے کوئی لینا دینا نہیں ہے.

I have nothing to do with this statement. This is fake news. For authentic news about me, stay connected to verified platforms. May Allah preserve us from spreading false news. pic.twitter.com/5v2WqSuZsf

— Tariq Jamil (@TariqJamilOFCL) February 11, 2021

انہوں نے کہا کہ یہ جعلی خبر ہے۔میرے درست بیانات کے لیے میرے تصدیق شدہ سوشل میڈیا پلیٹ فارمز کے ساتھ جڑے رہیں۔انہوں نے مزید کہا کہ ’اللّہ تعالیٰ ہمیں جھوٹی خبریں پھیلانے سے بچائے۔‘