آسٹریلین اوپن میں تماشائیوں کا داخلہ بند 

(24نیوز)کورونا وائرس کے تیزی سے بڑھتے کیسز کے باعث میلبرن کے  آسٹریلین اوپن گرینڈ سلم میں تماشائیوں کا داخلہ بند کر دیا گیا۔

ٹینس آسٹریلیا کا کہنا ہے کہ کل سے میچز کے دوران تماشائی نہیں ہوں گے، ٹکٹ مکمل طور پر ری فنڈ کئے جائیں گے جس کے طریقہ کار کا اعلان جلد ہو گا۔پانچ روز تک آسٹریلین اوپن میں تماشائیوں کا داخلہ بند رہے گا۔حکام کے مطابق  آسٹریلین اوپن کے مقابلے پلان کے مطابق جاری رہیں گے لیکن کووڈ 19 پروٹوکولز پر سختی سے عملدرآمد کیا جائے گا۔خیال رہے کہ وکٹوریہ گورنمنٹ نے کووڈ 19 کیسز کے بعد پانچ روز کے لاک ڈاؤن کا اعلان کیا ہے۔