بھارت میں حجاب پر پابندی۔۔۔امریکا نےبھی آواز اٹھا دی 

(ویب ڈیسک) بھارت کے تعلیمی اداروں میں حجاب پرپابندی کیخلاف امریکا بھی میدان میں آگیا۔امریکا نے بھارت میں حجاب پر پابندی کومذہبی آزادی کی خلاف ورزی قراردے دیا۔
تفصیلات کے مطابق امریکا کے مذہبی آزادی سے متعلق ادارے کے اعلی عہدیدار راشد حسین نے بھارت میں حجاب پر پابندی کو مذہبی آزادی کی خلاف ورزی قرار دیتے ہوئے لکھا کہ مذہبی آزادی میں لباس کے انتخاب کی آزادی بھی شامل ہے۔ بھارتی ریاست کرناٹک میں طالبات پرحجاب پہننے پرپابندی عائد کرنا مذہبی آزادی کی خلاف ورزی ہے۔انہوں نے مزید کہا کہ خواتین اورلڑکیوں کوزبردستی لباس کے انتخاب پرمجبورکرناانہیں پیچھے دھکیلنے کے مترادف ہے۔

Religious freedom includes the ability to choose one's religious attire. The Indian state of Karnataka should not determine permissibility of religious clothing. Hijab bans in schools violate religious freedom and stigmatize and marginalize women and girls.

— Amb. at Large for International Religious Freedom (@IRF_Ambassador) February 11, 2022

واضح رہے کہ بھارتی ریاست کرناٹک میں کالجز میں حجاب پر پہننے پر پابندی عائد کردی گئی جس کی وجہ سے بھارت میں مظاہروں کا سلسلہ شروع ہوگیا ۔دنیا بھر سے حجاب پر پابندی کیخلاف آوازیں اٹھ رہی ہیں ۔
یہ بھی پڑھیں:ہائیکورٹ کا حجاب پر پابندی کا فیصلہ ۔۔۔بھارتی طالبات کا پھرسپریم کورٹ سے رجوع