سابق کرکٹر اور قومی ٹیم کے مینجر منصور رانا قلندر ہائی پرفارمنس سینٹر کے سربراہ مقرر

(ویب ڈیسک) سابق کرکٹر اور قومی کرکٹ ٹیم کے سابق مینجر منصور رانا کو پی ایس ایل فرنچائز لاہور قلندرز کے ہائی پرفارمنس سینٹر کی سربراہی سونپ دی گئی ہے۔

منصور رانا اس وقت لاہور قلندرز کے بیٹنگ کوچ کی حیثیت سے بھی کام کر رہے ہیں۔ قلندرز ہائی پرفارمنس سینٹر میں منصور رانا نئے ٹیلنٹ کو نکھارنے اور انہیں بین الاقوامی معیار کے مطابق بنانے کیلئے کام کریں گے۔

. @mansoorrana205 appointed as Director QHPC#AbPooraLahoreKheleGa #QalandarHum pic.twitter.com/YxH3Sph7NG

— Lahore Qalandars (@lahoreqalandars) February 12, 2023

واضح رہے کہ قلندرز ہائی پرفارمنس سینٹر کے ساتھ 300 سے زائد نیشنل اور انٹرنیشنل مرد و خواتین کرکٹرز منسلک ہیں۔ حارث رؤف، دلبر حسین اور شاہین شاہ آفریدی جیسے کھلاڑی لاہور قلندرز کی دریافت کہے جاتے ہیں۔