(24 نیوز )کرکٹ آسٹریلیا نے چیمپئینز ٹرافی کے لیے سکواڈ کا اعلان کردیا، ٹیم کینگروز سے فاسٹ بولر مچل اسٹارک بھی دستبرادر ہوگئے۔
کرکٹ آسٹریلیا کا کہنا ہے کہ مچل سٹارک ذاتی وجوہات کی بنیاد پر ٹیم سے دستبردار ہوئے ہیں، ان کے فیصلے کو سپورٹ کرتے ہیں۔
کرکٹ آسٹریلیا کا کہنا ہے کہ مچل سٹارک نے میڈیا سے پرائیویسی کی درخواست کی ہے، مچل اسٹارک اس حوالے سے کوئی تبصرہ نہیں کریں گے۔
کپتان پیٹ کمنز، جوش ہیزل ووڈ اور میچل مارش پہلے ہی فٹنس مسائل کے باعث ٹیم سے باہر ہوچکے ہیں جبکہ آل راؤنڈر مارکوس اسٹوئنس نے ون ڈے کرکٹ سے ریٹائر لے لی ہے۔
دوسری جانب کرکٹ آسٹریلیا نے چیمپئینز ٹرافی کے لیے سکواڈ کا اعلان کردیا ہے، سٹیو سمتھ چیمپئینز ٹرافی میں آسٹریلیا کی قیادت کریں گے۔ ٹیم میں شان ایبٹ، الیکس کیری، بین ڈار شیوس اور نیتھن ایلس شامل ہیں۔
جیک فریزر میکگرک، ایرون ہارڈی، ٹریوس ہیڈ، جوش انگلس اور سپینسر جانسن ٹیم میں جگہ بنانے میں کامیاب ہوئے ہیں۔
مارنوس لبوشین، گلین میکسویل، تنویر سنگھا، میتھیو شارٹ اور ایڈم زمپا بھی ٹیم کا حصہ ہیں۔
چیئرمین سلیکشن پینل جارج بیلی کا کہنا ہے کہ ابتدائی اسکواڈ میں انجریز اور ریٹائرمنٹ کی وجہ سے متعدد تبدیلیاں کرنا پڑیں۔
جارج بیلی کے مطابق ان کھلاڑیوں کو بلایا گیا ہے جنہوں نے گزشتہ 12 ماہ میں اچھی پرفارمنس کا مظاہرہ کیا ہے۔