(طیب سیف)پاکستان تحریک انصاف(پی ٹی آئی) کے بانی چیئرمین عمران خان کی جانب سے پارٹی سے نکالے جانے پر رکن قومی اسمبلی شیر افضل مروت نے خاموشی توڑ ڈی۔
عمران خان کی طرف سے پارٹی سے نکالے جانے پر شیر افضل مروت کا سخت ردعمل دیتے ہوئے کہا کہ اگر مجھے پارٹی سے نکلا گیا تو فیصلے کا خیر مقدم کروں گا،سماجی رابطوں کی ویب سائٹ ایکس پر پیغام جاری کرتے ہوئے رکن قومی اسمبلی کا کہنا تھا کہ میں روزانہ کی ٹرولنگ سے بیمار ہو گیا ہوں،پارٹی ڈسپلن کی وجہ سے سازشیوں کو جواب نہیں دے سکا،مجھے اپنی پارٹی کے لوگوں نے بار بار بدنام کیا۔
ان کا کہنا تھا کہ بانی تحریک انصاف کان کے کچے ہیں لوگوں کی باتوں پر یقین کر لیتے ہیں وفاداری کا بدلہ یوں لیا جائے گا تو بانی تحریک انصاف کے لیے کوئی آگے نہیں آئے گا،ایک خاتون سازشی نے بھی میرے خلاف سازش رچائی ہے، ان کامزید کہنا تھا کہ میرے پاس بہت سے آن کہی کہانیاں ہیں۔
یہ بھی پڑھیں: شاباش گرین شرٹس شاباش،مشکل ٹارگٹ کو حاصل کیا، چیئرمین پی سی بی محسن نقوی