صدر اور وزیراعظم کی جنوبی افریقہ سےمیچ جیتنے پر  قوم کو مبارکباد، چئیرمینPCBاور ٹیم کو خراج تحسین

(اویس کیانی)صدر مملکت آصف علی زرداری اور وزیراعظم محمد شہباز شریف کی جنوبی افریقہ کے خلاف ون ڈے کرکٹ میچ میں پاکستان کی فتح پر قوم کو مبارکباد ، پاکستانی کرکٹ ٹیم کی کارکردگی کی تعریف ،  امید ہے کرکٹ ٹیم سیریز میں کامیابیوں کا سلسلہ جاری رکھے گی۔

رپورٹ کے مطابق صدر مملکت آصف علی زرداری نے جنوبی افریقہ کے خلاف ون ڈے میچ میں پاکستان کی کامیابی پر مبارکباد  دیتے ہوئے کہا ہے کہ پاکستانی کھلاڑیوں نے جنوبی افریقہ کے خلاف بہتر کھیل کا مظاہرہ کیا،مید ہے کہ کرکٹ ٹیم سیریز میں کامیابیوں کا سلسلہ جاری رکھے گی۔صدر مملکت نے بہترین کھیل پیش کرنے پر پاکستان کرکٹ ٹیم کی کارکردگی کو  سراہا ۔

وزیراعظم شہباز شریف نے شاندار کھیل پیش کرنے پر پاکستانی کرکٹ ٹیم کی کارکردگی کی تعریف کرتے ہوئے کہا ہے  کرکٹ ٹیم نے ایک بار پھر سے قوم کے دل جیت لئے ، محمد رضوان اور سلمان آغا نے شاندار بیٹنگ کا مظاہرہ کیا،کرکٹ ٹیم نے ایک بار پھر سے قوم کے دل جیت لئے ،چیمپئینز ٹرافی سے قبل اس اہم جیت پر ٹیم کا مورال بلند ہو گا ، امید ہے کہ کامیابیوں کا یہ سلسلہ جاری رہے گا۔وزیراعظم نے میچ جیتنے پر چئیر مین پاکستان کرکٹ بورڈ سید محسن رضا نقوی اور ٹیم مینجمنٹ کو خراج تحسین پیش کیا۔

یہ بھی پڑھیں: شاباش گرین شرٹس شاباش،مشکل ٹارگٹ کو حاصل کیا، چیئرمین پی سی بی محسن نقوی