(نزاکت علی)گلوکارہ آئمہ بیگ اپنی سریلی آواز کی وجہ سے پاکستان سمیت دنیا بھر میں بہت پسند کی جاتی ہیں ، سوشل میڈیا پر ان کے چاہنے والوں کی تعداد لاکھوں میں ہے۔گلوکارہ کے کنسرٹ میں ایک اور ناخوشگوار واقعہ پیش آیا ہے، جس کی ویڈیو سوشل میڈیا پر وائرل ہو رہی ہے۔
تفصیلات کے مطابق گلوکارہ آئمہ بیگ شوبز کی دنیا میں نمایاں مقام رکھتی ہیں، گلوکارہ اپنی خوبصورتی اور سریلی آواز کی وجہ سے لوگوں کے دلوں میں گھر کر چکی ہیں ، انہیں شہرت ”لاہور سے آگے “گانے سے ملی، اس کے بعد ان کی مزید شہرت مشہور کوک سٹوڈیو کا ”بازی “ سے ہوئی جو انہوں نے ساحر علی بگ کیساتھ ملکرگایاتھا، انہیں اگست2019 میں تمغہ فخر امتیاز سے نوازا گیا۔
گلوکارہ آئمہ بیگ نے گزشتہ برس شہباز شگری سے منگنی کر لی تھی،جس پر ان کے مداح حیران رہ گئے تھے،گلوکارہ نے مختلف موقع پر شہباز شگری کیساتھ تقاریب میں شرکت کی،مداحوں کی جانب سے دونوں کی جوڑی کو خوب پسندکیاجارہا ہے۔
یہ بھی پڑھیں: دنیا کے طاقتور ترین پاسپورٹس کی فہرست جاری، صومالیہ نے بھی پاکستان کو پیچھے چھوڑ دیا
گلوکارہ آئمہ بیگ کے کنسرٹ کے دوران ایک اور ناخوشگوار واقعہ پیش آیا ہے ، سوشل میڈیا پر وائرل ویڈیو میں دیکھا جا سکتا ہے کہ ایک نوجوان زخمی ہو گیا ہے جس پر گلوکارہ گانا روک دیتی ہیں،آئمہ بیگ کہتی ہیں کہ ایسی تو ہو سکتا ناں کوئی مر رہا ہو اورہم پھر بھی گا رہے ہو۔گلوکارہ کی ویڈیو دیکھتے ہی دیکھتے سوشل میڈیا پر وائرل ہو گئی اور لوگوں کی جانب سے آئمہ بیگ کے اس اقدام کی تعریف کی جارہی ہے۔
واضح رہے کہ چند روز قبل آئمہ بیگ کے کنسرٹ کے دوران برنر فلیم سے اچانک آگ نکلتی ہے جس سے گلوکارہ بال بال بچ جاتی ہیں۔
یہ بھی پڑھیں: تعلیمی ادارے بند ہوں گے یا نہیں؟ اہم اجلاس طلب