پاکستان نے چیمپئینز ٹرافی کیلئے ابتدائی سکواڈ کے نام جمع کرادیئے

(24نیوز)پاکستان نے آئی سی سی چیمپئنز ٹرافی کیلئے20 سے زائد ابتدائی سکواڈ کے نام جمع کرادیئے۔

ذرائع کے مطابق سلیکشن کمیٹی نے ابتدائی سکواڈ آئی سی سی کو گزشتہ دو روز قبل جمع کروایا، آئی سی سی ایونٹس کیلئے ٹیموں کو طے شدہ طریقہ کے مطابق سپورٹ پریڈ سے ایک ماہ قبل نام جمع کرانے ہوتے ہیں، آئی سی سی چیمپئنز ٹرافی کا سپورٹ پریڈ 12 فروری سے شروع ہوگا۔

یہ بھی پڑھیں:صائم ایوب کی واپسی کب ہوگی؟ قومی اوپنر کے بھائی نے اہم اشارہ دیدیا

ذرائع کے مطابق ابتدائی سکواڈ میں کپتان محمد رضوان، بابر اعظم ،طیب طاہر،عرفان خان نیازی شامل ہیں، سفیان مقیم، محمد حسنین، عبداللہ شفیق، نسیم شاہ ،عثمان خان،شاہین شاہ آفریدی، حارث روف بھی شامل سکواڈ کا حصہ ہیں۔ابرار احمد،کامران غلام اور سلمان علی آغا ،امام الحق، فخر زمان،حسیب اللہ،عباس آفریدی،،کا نام بھی ابتدائی اسکواڈ میں شامل ہیں۔ صائم ایوب کا نام بھی ابتدائی اسکواڈ میں بھیجا گیا۔

قومی سلیکشن کمیٹی نے جنوبی افریقہ کے خلاف 15 رکنی اسکواڈ آئی سی سی کو بھجوایا، چیمپئینز ٹرافی کے لئے حتمی اسکواڈ کا اعلان دس فروری کو متوقع ہے۔ حتمی اسکواڈ میں متعدد تبدیلیاں ہونگی، حتمی اسکواڈ میں عبداللہ شفیق، عثمان خان کی شمولیت کا امکان کم ہے۔

یہ بھی پڑھیں:شدید سردی کی لہر،کیا تعلیمی ادارے پھر بند ہورہے ہیں؟محکمہ تعلیم نے اعلان کردیا