(مانیٹرنگ ڈیسک)یہ جوانی ہے دیوانی‘، ’یاریا‘، ’نوٹنکی سالا‘، ’میں تیرا ہیرو‘ جیسی کئی اور فلموں میں کام کرنے والی جرمنی نژاد بالی ووڈ اداکارہ ایولن شرما کا آج یوم پیدائش ہے۔
تفصیلات کے مطابق ان کی پیدائش 12 جولائی 1986 کو جرمنی کے فرینک فرٹ شہر میں ہوئی تھی۔ اب وہ بالی وڈ کی مشہور اداکارہ ہیں۔ اپنے یوم پیدائش سے ٹھیک ایک دن قبل ایلون شرما نے مداحوں کو تحفہ دیا ہے۔ انہوں نےانسٹا گرام پر بتایا کہ وہ ماں بننے والی ہیں۔
ایولن شرما کے والد ہندوستانی ہیں اور ان کی ماں جرمن ہیں۔ ایولن شرما کو اپنے کالج کے دنوں سے ہی ماڈلنگ پسند تھی۔ اسی دوران انہوں نے کچھ کاسمیٹک برانڈز کے لئے ماڈلنگ شروع کردی۔
ایولن شرما کو تقریباً 8 زبانوں کا علم ہے۔ ان میں انگلش، ہندی، جرمن، اسپینش، تھائی، ٹیگلاگ، فلیپنو، فرنچ اور ڈچ شامل ہیں۔بالی ووڈ میں ان کی پہلی فلم ’فرام سڈنی ودھ لو‘ تھی۔
تقریباً ایک سال کی دوستی کے بعد تشان نے ایولن شرما کو پرپوز کیا اور اکتوبر 2019 میں دونوں نے منگنی کی تھی۔
یہ بھی پڑھیں:242، 42 یا پھر 24، عمر تو بس ایک عدد ہے۔۔ملالہ کا سالگرہ پر پیغا م