نئی افغان ویزا پالیسی پر وزیراعظم کا رد عمل 

(ویب ڈیسک)وزیراعظم شہبازشریف نے کہا کہ حکومت کی نئی افغان ویزہ پالیسی ضرورت کے وقت اپنے افغان بھائیوں اور بہنوں کی امداد کی ہماری کاوشوں کا ایک حصہ ہے۔
تفصیلات کے مطابق وزیراعظم شہبازشریف نے اپنے ٹویٹر پیغام میں کہا کہ ہماری حکومت کی نئی افغان ویزہ پالیسی ضرورت کے وقت اپنے افغان بھائیوں اور بہنوں کی امداد کی ہماری کاوشوں کا ایک حصہ ہے۔انہوں نے کہا کہ ٹرانزٹ ویزا کی منظوری سے افغانی بھائیوں کو سفر کے لیے کاغذی کارروائی مکمل کرنے میں مدد ملے گی۔وزیر اعظم نے عالمی برادری پر زور دیا کہ انہیں بھی افغانستان کے لوگوں کی مدد کرنی چاہیے۔

New Afghan visa policy by our govt is part of our efforts to continue helping our Afghan brothers & sisters in their hour of need. Grant of transit visa will help them complete paperwork for onward travel. International community should also lend a helping hand to people of ????????

— Shehbaz Sharif (@CMShehbaz) June 12, 2022

واضح رہے کہ گزشتہ روز  وزیراعظم شہباز شریف نے افغان شہریوں کو درپیش مسائل اور غیر قانونی امیگریشن کی خامیوں کا نوٹس لیتے ہوئے پاکستان کے راستے بیرون ملک جانے والے افغان شہریوں کے لیے نئی ویزا پالیسی کی منظوری دے دی ہے۔ وزیراعظم کے اسٹریٹجک ریفارمز انیشی ایٹوز کے سربراہ سلمان صوفی نے کہا کہ نئی پالیسی کے تحت حکومت پاکستان کی جانب سے افغان شہریوں کو 24 گھنٹے کے اندر 30 دن کا ٹرانزٹ ویزا جاری کیا جائے گا۔
یہ بھی پڑھیں:پاکستان کی اعلیٰ فوجی قیادت کا دورۂ چین۔ تعاون بڑھانے پر اتفاق