پرویز الہیٰ کو جوڈیشل ریمانڈ پر جیل بھجوانے کا حکم کالعدم قرار

(شاہین عتیق) پنجاب اسمبلی میں ہونیوالی بھرتیوں کیخلاف کیس میں سابق وزیراعلیٰ پنجاب چوہدری پرویز الہٰی کو جوڈیشل ریمانڈ پر جیل بھجوانے کا فیصلہ کالعدم قرار دے دیا گیا۔

ایڈیشنل سیشن جج صائمہ ریاست نے محفوظ فیصلہ سنا دیا اور پرویز الہٰی کو کل جوڈیشل مجسٹریٹ کی عدالت میں پیش کرنے کا حکم دیا۔

یہ بھی پڑھیے: چیئرمین تحریک انصاف کی چودہ روزہ حفاظتی ضمانت منظور

خیال رہے کہ پراسیکیوشن نے جوڈیشل مجسٹریٹ کے حکم کیخلاف درخواست دائر کی تھی جس کے بعد عدالت نے جوڈیشل مجسٹریٹ کے فیصلے پر عملدرآمد سے روک دیا.