ماربل سے بھرا ٹرک کار پر الٹ گیا ۔۔ میاں بیوی اور دو بچے جاں بحق

(24نیوز)مردان میں افسوسناک واقعہ پیش آیا جہاں ماربل سے بھرا ٹرک کار پر الٹ گیا ۔حادثے میں میاں بیوی اور دو بچے جاں بحق  ہوگئے جبکہ دو افراد زخمی  ہوئے۔

تفصیلات کے مطابق مردان کے رستم بونیر روڈ پر گاڑی میں سوار 6 افراد ماربل سے بھرے ٹرک کے نیچے دب گئے۔ حادثے میں ایک ہی گھر کے 4 افراد جاں بحق جبکہ دو زخمی ہوگئے۔ریسکیو 1122 کے مطابق جاں بحق ہونے والوں میں میاں بیوی سمیت دو بچے شامل تھے۔ریکوری ٹیم نے مشینری کے ذریعے ٹرک اور موٹر کار کو کاٹ کر دبے افراد کو نکالا۔بعدازاں جاں بحق اور زخمیوں کو ہسپتال منتقل کردیا گیا۔واضح رہے کہ حادثے کا شکار فیملی بونیر جا رہی تھی۔