امریکا سے لاکھوں مالیت کا قیمتی سامان لاہور سمگل کرنیکی کوشش ناکام

(24 نیوز)علامہ اقبال انٹرنیشنل ایئرپورٹ پر کسٹمز حکام کی کارروائی امریکہ سے 80 لاکھ مالیت کی قیمتی اشیاکی لاہور اسمگلنگ ناکام بنا دی ۔
تفصیلات کے مطابق مسافر عبدالستار کے سامان سے 126 عدد امریکی پائوڈر اور فائونڈیشن برآمد کر لی گئیں۔ دوران تلاشی 24 عدد اسٹوڈیو فکس فلوئیڈ، 10 عدد مہنگے فرانسیسی پرفیوم برآمد بیگ سے 12 پیکٹ لوشن، 290 عدد پولو کی کاٹن شرٹیں برآمدہوئے۔
 مسافرسے 46 عدد فرانسیسی بلیو ڈی چینل پرفیوم برآمد سامان سے 130 عدد امریکی موائسچرائزنگ جیل برآمد سیرئیل ڈیوائس سرور 35 عدد، 5 عدد ٹومی ھلفگر کوٹ برآمد ھائی پرفارمنس نیچرل امریکی کریم کی 6 بوتلیں بھی برآمد کر لی گئیں۔
کسٹمز عملے نے 80 لاکھ مالیت کا سارا سامان قبضے میں لے لیا ۔مسافر عبدالستار قطر ایئر کے ذریعے براستہ دوحہ، امریکہ سے لاہور پہنچا تھا۔