(24نیوز)پاکستان تحریک انصاف کے مرزاآفریدی ڈپٹی چیئرمین سینیٹ منتخب ہو گئے ۔
تفصیلات کے مطابق ڈپٹی چیئرمین سینیٹ کیلئے پی ڈی ایم کے متفقہ امیدوار مولانا عبدالغفورحیدری اور حکومت کے امیدوار مرز آفریدی کے درمیان مقابلہ ہوا،ڈپٹی چیئرمین سینیٹ کیلئے بھی 98 ووٹ کاسٹ ہوئے ،آخری ووٹ صادق سنجرانی نے کاسٹ کیا،سینیٹر مشتاق احمد نے ایک بار پھر ووٹ کاسٹ نہ کیا۔
ووٹوں کی گنتی کا عمل مکمل ہونے پر چیئرمین سینیٹ صادق سنجرانی نے نتائج کا اعلان کیا،صادق سنجرانی نے کہاکہ ڈپٹی چیئرمین سینیٹ کے الیکشن میں کوئی ووٹ مسترد نہیں ہوا،مولانا عبدالغفور حیدری نے 44ووٹ کئے جبکہ پی ٹی آئی کے مرزا آفریدی54لے کر کامیاب قرارپائے۔
واضح رہے کہ چیئرمین سینیٹ کا الیکشن حکومتی امیدوار صادق سنجرانی نے جیت لیاہے، حکومتی امیدوار صادق سنجرانی کو 48 اور جبکہ ان کے مدمقابل پی ڈی ایم کے متفقہ امیدوار یوسف رضاگیلانی کو 42 ووٹ پڑے جبکہ ان کے 7 ووٹ مسترد ہوئے ۔