اسٹاک ایکس چینج تیزہو گئی، سرمایہ کاری ا یک کھرب 45ارب38کروڑ35 بڑھ گئی
Stay tuned with 24 News HD Android App
(24نیوز)پاکستان اسٹاک مارکیٹ میں چار روز سے جاری شدید مندی کا تسلسل ٹوٹ گیا اورکاروباری ہفتے کے آخری روز جمعہ کو سرمایہ کاروں کی جانب سے منافع بخش کمپنیوں کے حصص کی بھرپور خریداری کی گئی ۔
تیزی کے باعث کے ایس ای100انڈیکس43ہزار کی نفسیاتی حد کو بحال کرتے ہوئے 1008.32پوائنٹس کے اضافے سے43788.08پوائنٹس کی سطح پرپہنچ گیا جب کہ77.91فیصد کمپنیوں کے شیئرز کی قیمتوں میں اضافہ ریکارڈ کیا گیاجس کے نتیجے میں مارکیٹ کی سرمایہ کاری مالیت ایک کھرب 45ارب38کروڑ35لاکھ روپے بڑھ گئی اور حصص کی لین دین کے لحاظ سے کاروباری حجم بھی جمعرات کی کی نسبت 8.97فیصدزائد رہا۔
گزشتہ روز کاروبارکے آغاز سے ہی مثبت رجحان دیکھنے میں آیا اور مسلسل چار روز کے شدید مندی کے نتیجے میں حصص کی نچلی سطح پر آئی قیمتوں کا فائدہ اٹھاتے ہوئے سرمایہ کاروں نے حصص کی خریداری کی جس کے باعث کے ایس ای100 انڈیکس 43ہزار کی نفسیاتی حد کو بحال کرتے ہوئے43985پوائنٹس کی بلند سطح پر پہنچ گیا بعد میں پرافٹ ٹیکنگ کے باعث 43800اور43900کی نفسیاتی حدیں برقرارنہ رہ سکیں لیکن تیزی کا رجحان آخر تک غالب رہا اورمارکیٹ کے اختتام پر کے ایس ای100انڈیکس 1008.32پوائنٹس کے اضافے سے43788.08پوائنٹس پر بند ہوا ۔
اسی طرح کے ایس ای30انڈیکس288.17پوائنٹس کے اضافے سے18149.37پوائنٹس اور کے ایس ای آل شیئرز انڈیکس 640.44پوائنٹس کے اضافے سے30013.05پوائنٹس کی سطح پرپہنچ گیا۔گزشتہ روزمجموعی طور پر412کمپنیوں کا کاروبار ہوا جس میں سے321کمپنیوں کے حصص کی قیمتوں میں اضافہ74میں کمی اور17کمپنیوں کے حصص کی قیمتوں میں استحکام رہا ۔بیشتر کمپنیوں کے شیئرز کی قیمتیںبڑھنے کے سبب مارکیٹ کی سرمایہ کاری مالیت76کھرب47ارب16کروڑ50لاکھ روپے سے بڑھ کر77کھرب92ارب54کروڑ85لاکھ روپے ہوگئی ۔
قیمتوں میں اتار چڑھاو¾ کے لحاظ سے سرفہرست کمپنیوں میںوائتھ پاک کے حصص کی قیمت70.12روپے کے اضافے سے 1005.12روپے اورسیپ ہائر ٹیکس کے حصص کی قیمت65.74روپے کے اضافے سے 987.99روپے ہوگئی جب کہ رفحان میظ200روپے کی کمی سے 9500روپے اورسن ریزٹیکسٹائیل کے حصص کی قیمت60.25روپے کی کمی سے948 روپے ہوگئی ۔