(24نیوز) مسلم لیگ (ن)کے رہنما طلال چودھری نے سینٹ کے چیئرمین کے انتخاب میں پی ڈی ایم کے امیدوار یوسف رضا گیلانی کی شکست پر طنز کیا ۔اپنی ٹوئٹ میں طلال چودھری کا کہنا تھاکہ بلاول بھٹو صاحب! نیوٹرل کا مزہ آیا۔
طلال چودھری کے طنز کے جواب میں بلاول بھٹو نے کہاکہ طلال صاحب یہ کوئی تنظیم سازی نہیں یہ جمہوری جدوجہدہے،پی ڈی ایم میں شامل ہرپارٹی کے ممبر نے اپنی پارٹی کاساتھ دیا،یہ یوسف رضاگیلانی کی نہیں پی ڈی ایم کے اتحاداورعوام کی جیت ہے۔
انہوں نے کہاکہ طلال چودھری کی طرح میں 2018 سے جدوجہدنہیں کررہا،میں تین نسلوں سے جمہوری جدوجہد کررہاہوں،پی ڈی ایم میں شامل جماعتیں پراعتمادہیں کہ ہم نیوٹرلیٹی حاصل کرکے رہیں گے۔
بلاول نے کہاکہ الیکشن کوچوری کیا گیا، سنجرانی کی جیت عارضی ہے،عدالت سے انصاف پرمبنی فیصلہ آیاتووہ پی ڈی ایم اورگیلانی کے حق میں ہوگا،جمہوری اداروں میں کہیں کچھ کمزوریاں تو ہوں گی۔
چیئرمین پیپلزپارٹی نے کہاکہ موجودہ صورتحال میں جمہوریت پسندبہت مایوس ہیں،ہم انصاف،جمہوریت اورپارلیمانی اقدار کیلئے جدوجہد کریں گے،جمہوری اقدارکا مذاق نہ بنے اس لئے ہم عدالت جارہے ہیں،یہ کوئی تنظیم سازی نہیں تھی، ہم جمہوری جدوجہد کررہے ہیں۔