(کومل اسلم، رابیل اشرف ) شہر لاہور کا موسم بھی کنفیوز، کبھی گرمی کبھی ہواؤں کا رخ تیز، ملے جلے موسم کی رت لاہور شہر میں چھا گئی ہے۔جبکہ شہر قائد کراچی کا موسم آج بھی گرم رہنے کا امکان ہے۔
محکمہ موسمیات کے مطابق لاہور میں درجہ حرارت 23 ڈگری سینٹی گریڈ ریکاررڈ کیا گیا ہے۔ کم سے کم درجہ حرارت18زیادہ سےزیادہ 32ڈگری جانے کا امکان ہے۔
آلودگی کے اعتبار سے لاہور دوسرے نمبر پر آ گیا ہے۔ شہر میں آلودگی کی مجموعی شرح 181ریکارڈ کی گئی ہے۔
کینال بنک ہاوسنگ سکیم میں آلودگی کی شرح 203ریکارڈ، فدا حسین 231, سید مراتب علی روڈ میں آلودگی کی شرح 208 ریکارڈ کی گئی ہے۔
جبکہ دوسری جانب شہر قائد کا موسم آج بھی گرم رہنے کا امکان ہے۔محکمہ موسمیات کے مطابق شہر کا موجودہ درجہ حرارت 21 سے 22 ڈگری ریکارڈ کیا گیا ہے۔ دوپہر کے اوقات میں شہر کا پارہ 32 ڈگری تک جانے کا امکان ہے۔
ہوا میں نمی کا تناسب 49 فیصد ہے۔ بارش کا امکان نہیں ہے۔
مزید پڑھیں: بھارت: کسانوں کی خودکشی کے واقعات میں خطرناک حد تک اضافہ
دوپہر کے اوقات میں شمال مشرق سمت سے ہوا 13 کلو میٹر فی گھنٹہ کی رفتار سے چلیں گی۔
شہر قائد میں آلودگی برقرار ہے، پاکستان کے آلودہ شہروں میں کراچی پانچویں نمبر پر آگیا ہے جبکہ دنیا کے آلودہ شہروں میں بھی کراچی 11 ویں نمبر پر ہے۔ ہوا میں آلودگی کے ذرات کی تعداد 156 پرٹیکیولیٹ میٹر ریکارڈ کی گئی ہے۔